सुपर– 50

नाशिक जिल्ह्यातील ग्रामिणभागातीलअनुसूचित जाती,अनुसूचित जमाती व सर्वसाधारण प्रवर्गातील शासकीय,अनुदानित, अंशत: अनुदानित विद्यालय, आदिवासी विभाग व समाज कल्याण विभागाच्या माध्यमिक विद्यालयातून इयत्ता 10 वीच्या परिक्षेत 70 % गुणांनी उत्तीर्ण झालेल्या व पालकांच्या उत्पन्नाची कमाल मर्यादा 1 लक्ष इतकी असणा-या 110 विद्यार्थ्यांसाठी निवासी व निशुल्क स्वरुपात विज्ञान शाखेच्याअभ्यासक्रमाबरोबर JEE व NEET हे व्यावसायिक प्रवेश प्रशिक्षण देण्यासाठी सुपर-50 हा नाविन्य पूर्ण उपक्रम राबविण्यात येत आहे.

योजने चे निकष-

• नाशिक जिल्हयातील ग्रामिण भागातील शासकीय,अनुदानीत,अंशत3 अनुदानित विद्यालयातून विद्यार्थी इयत्ता 10 वीच्या परीक्षेत 70 टक्के गुणांनी उत्तीर्ण झालेला असावा.
• सदर योजने चा लाभ घेण्यास इच्छुकअसणा-या विद्यार्थ्यास शैक्षणिक वर्षात विज्ञान शाखेत प्रवेश घेणे बंधनकारक राहील.
• सक्षम प्राधिका-यांनी दिलेले अधिवास (डोमिसाईल) प्रमाणपत्र सादर करणे आवश्यक राहील. विद्यार्थ्याचा अधिवास नाशिक जिल्हयातील ग्रामिण भागतील असावा.
• सदर उपक्रमात निवड झालेल्या विद्यार्थ्यास प्रशासनाने निश्चित केलेल्या शैक्षणिक संस्थेत दोन वर्ष निवासी नि:शुल्क प्रशिक्षण घेणे बंधनकारक राहील. प्रशिक्षणअभ्यासक्रमअर्धवट स्वरुपात सोडता येणार नाही. त्याकरिता विद्यार्थ्याची व पालकांची तयारी /संमती आवश्यक राहील.
• दिव्यांग कोटयातून निवड झालेल्या विद्यार्थ्यांना 40 % दिव्यांगत्व असल्याचे सक्षम प्राधिका-यांचे प्रमाण पत्र सादर करणे आवश्यक राहील.
• सदर योजनेचा लाभ घेण्यासाठी  इच्छुक विद्यार्थ्यांना निवड चाचणी परीक्षा अनिवार्य राहील तसेच सदर निवड चाचणी परीक्षेत उच्चतम गुण मिळालेल्या विद्यार्थ्यांची निवड मर्यादित स्वरुपात करण्यात येईल.

विद्यार्थांची निवड– (JEE व NEET साठी 11 विद्यार्थी)

• आदिवासी उपयोजना (TSP) अंतर्गतअनुसूचित जमाती या प्रवर्गाचे 40 विद्यार्थी(JEE + NEET)
• अनुसूचित जाती उपयोजना (SCP) अंतर्गत अनुसूचित जाती या प्रवर्गाचे 15 विद्यार्थी(JEE + NEET)
• इतर सर्वसाधारण प्रवर्गातील 55 विद्यार्थी(JEE + NEET)
• उपरोक्त नमुद संख्येत 4 दिव्यांग विद्यार्थ्यांना संधी उपलब्ध करुन देण्यात येते.
• निवडचाचणी परिक्षेव्दारे गुणानुक्रमे यादी तयार करुन गटशिक्षणाधिकारी,पंचायत समिती यांचे मार्फत कागदपत्र पडताळणी करण्यात येवून पडताळणीअंतीम पात्र  ठरलेल्या विद्यार्थ्यांचीअंतिम निवड यादी जिल्हापरिषदेच्या संकेतस्थळावर प्रसिध्द करण्यात येते.
• उपक्रमासाठी जिल्हानियोजन समितीकडून निधी प्राप्त होतो.
• ई-निविदा प्रसिध्द करण्यात येवून QCBC च्याआधारे शैक्षणिकसंस्थेची निवड केली जाते.
• सन 2023-24 व 2024-25 तसेच 2024-25 व 2025-26 साठी संत उपासणी महाराज बहुउद्रदेशीय सेवाभावी संस्था संचलित उपाध्ये कॉलेजऑफ सायन्स, सैय्यदपिंप्री ता.जि.नाशिक या संस्थेची निवड करण्यातआलीआहे.
• सन 2023-24 व 2024-25 या शैक्षणिक वर्षाचे 110विद्यार्थी सध्या इयत्ता 12 वीतआहेत. तर 2024-25 व 2025-26 या शैक्षणिक वर्षाचे  110 विद्यार्थी सध्या 11 वीतआहेत. विद्यार्थ्यांना विज्ञान शाखेच्या नियमित अभ्यासक्रमाबरोबरच JEE व NEET हे व्यावसायीक प्रवेश प्रशिक्षण देण्यात येते.
• ग्रामिण भागातील विद्यार्थ्यांना JEEव  NEET या व्यावसायीक अभ्यासक्रमाचे प्रशिक्षण / मार्गदर्शन निशुल्क उपलब्ध झाल्याने त्यांना उच्च शिक्षणाची संधी उपलब्ध होणार आहे.

प्रस्तावना–
माहितीचा अधिकार अधिनियम–२००५ या कायद्याच्या अंमलबजावणीमुळे शासकीय / निमशासकीय यंत्रणांवर चांगले नियंत्रण आले आहे. तसेच या कायद्यामुळे शासकीय कामकाज कसे होत आहे, शासनाच्या जनकल्याणाच्या विविध योजनांची अंमलबजावणी कशा पद्धतीने होते, त्यातील विविध स्तरावरील टप्पे / प्रक्रिया याचीही माहिती सर्व सामान्य जनतेला खुली होणार आहे. तसेच शासनाचा कारभार जसजसा पारदर्शक होत जाईल तसतशी जनतेच्या मनातील संदिग्धता कमी होत जाईल. तसेच दप्तर दिरंगाई आणि भ्रष्टाचार यालाही आपोआपच आळा बसेल.

या अधिकारात खालील बाबींचा समावेश आहे:
• काम, कागदपत्रे, नोंदी यांची तपासणी करणे.
• कागदपत्रे किंवा नोंदी यांच्या प्रमाणित प्रती मिळवणे तसेच त्यांची टिपणे काढणे.
• साहित्याच्या प्रमाणित प्रती मिळवणे.
• माहिती छापील प्रत (प्रिंटआऊटस्), सीडी, फ्लॉपी, टेप्स, व्हिडिओ रेकॉर्डस् किंवा इतर कोणत्याही ईलेक्ट्रॉनिक माध्यमाद्वारे मिळवणे.

• माहिती अधिकार अधिनियम, 2005 चे कलम 4 (ख) नुसार 1 ते17 मुद्यांची माहिती.(पहा/डाउनलोड करा)