जिल्हा परिषदेची मूलभूत कार्ये:
- ग्रामीण भागात अत्यावश्यक सेवा आणि सुविधा पुरवणे.
- शेतकऱ्यांना बियाणे उपलब्ध करून देणे. तसेच शेतीसाठी उपयुक्त असलेल्या सुधारित आणि नवीन तंत्रज्ञानाची माहिती देणे.
- ग्रामीण भागात शाळा आणि ग्रंथालये स्थापन करून ती व्यवस्थित चालवणे.
- ग्रामीण भागात प्राथमिक आरोग्य केंद्रे आणि रुग्णालये उभारणे. तसेच वेळोवेळी साथीचे आजार टाळण्यासाठी प्रतिबंधात्मक लसीकरण कार्यक्रम राबवणे.
- ग्रामीण भागात एससी-एसटी लोकांसाठी विकास योजनांची अंमलबजावणी. आदिवासी मुलांसाठी आश्रमशाळा चालवणे आणि आदिवासी विद्यार्थ्यांसाठी मोफत वसतिगृहे स्थापन करणे.
- ग्रामीण रोजगार निर्मितीसाठी लघुउद्योग सुरू करण्यासाठी उद्योजकांना प्रोत्साहन देणे.
- ग्रामीण भागात पूल, रस्ते आणि इतर सार्वजनिक सुविधांचे बांधकाम आणि देखभाल.
- रोजगार निर्माण करणे.
